گزشتہ ہفتے 15 ہزار سے زائد غیر قانونی تارکین گرفتار
ہفتہ 30 اکتوبر 2021 13:29
’گرفتار شدگان کی کل تعداد میں سے 7609 افراد اقامہ قوانین کی خلاف ورزی کے مرتکب تھے‘ (فوٹو: سبق)
سعودی عرب کے مختلف علاقوں میں گذشتہ ہفتے 15806 غیر قانونی افراد گرفتار ہوئے ہیں۔
سعودی پریس ایجنسی کے مطابق گرفتار شدگان کی مذکورہ تعداد 21 اکتوبر سے 27 اکتوبر2021 تک کے درمیان کی ہے۔
غیر قانونی تارکین سے پاک وطن مہم کے تحت کام کرنے والی مشترکہ کمیٹی نے کہا ہے کہ ’گرفتار شدگان کی کل تعداد میں سے 7609 افراد اقامہ قوانین کی خلاف ورزی کے مرتکب تھے‘۔
’اسی طرح 5625 گرفتار شدگان سرحدی قوانین کی جبکہ 1672 افراد لیبر قوانین کی خلاف ورزی میں ملوث تھے‘۔
کمیٹی نے کہا ہے کہ ’غیر قانونی طور پر سرحد عبور کرکے ملک میں داخل ہونے کی کوشش کرتے ہوئے 469 افراد گرفتار ہوئے ہیں‘۔
’ان میں سے 50 فیصد یمنی، 46 فیصد ایتھوپین جبکہ 4 فیصد دیگر ملکوں کے شہری ہیں‘۔
’اسی طرح 90 افراد بھی گرفتار ہوئے جو سرحدی قوانین کی خلاف ورزی کرتے ہوئے بیرون ملک جانے کی کوشش کر رہے تھے‘۔
مشترکہ کمیٹی نے کہا ہے کہ ’مذکورہ عرصے کے دوران 12 ایسے افراد کو گرفتار کیا گیا ہے جو غیر قانونی تارکین کی مدد، سہولت اور ٹرانسپورٹ فراہم کر رہے تھے‘۔
نایاب جانور شکار کرکے سوشل میڈیا پر شیئر کرنے والا گرفتارNode ID: 613841
ینبع ہائی وے پر شامی تارک وطن گرفتار، منشیات اور اسلحہ ضبطNode ID: 613871
