ریاض سیزن میں ’بولیورڈ ریاض سٹی‘ کا افتتاح آج

ریاض سیزن انتظامیہ نے کہا ہے کہ بولیورڈ ریاض سٹی کا افتتاح پیر کو ہوگا۔ اس سے آئندہ برسوں میں بھی لطف اٹھایا جا سکے گا- یہ سعودی میڈ غیرمعمولی پروگرام ہے جو ریاض کے شائقین کے لیے قابل دید مقام بن جائے گا- 

ایس پی اے کے مطابق بولیورڈ ریاض سٹی کا کل رقبہ نو لاکھ مربع میٹر کے لگ بھگ ہے۔ یہ گذشتہ ریاض سیزن کے مقابلے میں تین گنا زیادہ ہے- یہ ریاض کے شمال میں حطین محلے میں واقع ہے- یہاں رقص کرتا فوارہ شائقین کو بہت بھائے گا- یہ علاقے میں اپنی نوعیت کا منفرد ہوگا- یہاں اعلی درجے کے ریستوران اور قہوہ خانے بھی کھولے گئے ہیں- 

بولیورڈ ریاض سٹی نو حصوں میں پھیلا ہوا ہے۔ اس کے ہر حصے میں سپیشل پروگرام ہوں گے- یہاں ریستوران، قہوہ خانے، پارک،، انٹرنیشنل گیمز، میلے اور ہر عمر اور ذوق پر پورے اترنے والے تجارتی مراکز قائم کیے گئے ہیں- یہاں کا فوارہ جو لیزر اور رنگ و نور سے آراستہ ہوگا سب سے زیادہ پسند کیا جائے گا- 

بولیورڈ ریاض سٹی کے پروگراموں میں کرسٹل بھول بھلیوں کا تجربہ بھی کرایا جائے گا- یہ برطانیہ سے  باہر پہلی بار ریاض میں منعقد کیا جا رہا ہے- 

بولیورڈ ریاض سٹی میں میجک شو بھی ہوگا- اس حوالے سے 21 پروگرام ہوں گے- برفانی گنبد نامی پروگرام ہوگا- 

بولیورڈ ریاض سٹی میں گالف کے شائقین کے لیے پہلی بار ریاض میں گالف ون پروگرام منعقد ہوگا- اس کے علاوہ بھی بہت کچھ  دیکھنے کو ملے گا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں