یمن میں اتحادی افواج کا آپریشن جاری ،60 دہشتگرد ہلاک
جمعرات 25 نومبر 2021 18:22
فوجی آپریشن میں حوثیوں کی 5 عسکری گاڑیاں بھی تباہ کردی گئیں(فوٹو، ٹوئٹر)
عرب اتحاد برائے یمن کے ترجمان برگیڈیئر ترکی المالکی نے کہا ہے کہ گزشتہ 24 گھنٹوں کے دوران مارب میں حوثی دہشتگردوں کے خلاف 8 عسکری آپریشن کیے گئے ۔
سبق نیوز کے مطابق اتحادی فوج کے ترجمان برگیڈیئر المالکی نے مزید بتایا کہ اتحادی أفواج کے حملوں میں 60 سے زیادہ حوثی دہشتگرد مارے گئے اور ان کی 5 عسکری گاڑیاں تباہ کر دی گیئں ۔
عرب اتحاد کا کہنا ہے کہ اتحادی أفواج نے مارب میں عسکری پیش رفت حاصل کرنے کےلیے یمنی فوج کی مدد کی جبکہ شہریوں کو حوثیوں کی جارحانہ سرگرمیوں سے بچانے کی کارروائی میں حصہ لیا ۔
