کیلیفورنیا ...... امریکہ میں ایک نیا پینتھر ڈرون تیار کیا گیا ہے جو سڑک پر اتر سکتا ہے اورپھر سامان لوگوں کے گھروں کے دروازے تک پہنچا سکتا ہے۔ یہ ساڑھے 4کلو وزن اٹھا کر اڑان بھرنے کی صلاحیت رکھتا ہے اور دن ہو یا رات اڑ سکتا ہے۔ اس میں روبوٹک بازو لگے ہیں ، کیمرے اور سنسر اور اسکے علاوہ وڈیو اسکرین بھی نصب ہے۔ اس ڈرون کو عمارت کے معائنے ، امدادی کاموں اور حتی کہ جنگلی حیات پر نظر رکھنے کیلئے بھی استعمال کیا جاسکتا ہے۔اسے لیپ ٹاپ کے ذریعے کنٹرول کیا جاسکتا ہے۔ اسے تیار کرنے والی کمپنی کا کہناہے کہ یہ ایک ہیلی کاپٹر کی طرح پرواز کرسکتا ہے جب زمین پر اترتا ہے تو اس کے راﺅٹر چلنا بند کردیتے ہیں۔ اسکا وزن صرف 44پاﺅنڈ ہے جبکہ یہ 44انچ طویل ہے جبکہ زمین سے صرف ساڑھے 13انچ اونچا ہے۔5اپریل تک صرف 200ڈرون کا آرڈر وصول کیا جائیگا۔ ایک ڈرون کی قیمت 2495ڈالر ہے اور خیال ہے کہ120دن میں اسے گاہک کو فراہم کردیا جائیگا۔
