سعودی قیادت کی طرف سے برازیل کے صدر کو تعزیتی مکتوب

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے برازیل میں لینڈ سلائیڈنگ سے ہونے والی ہلاکتوں پر افسوس کا اظہار کیا ہے۔

سعودی پریس ایجنسی کے مطابق سعودی قیادت نے برازیل کے صدر جایر بولسونارو کے نام تعزیتی پیغام بھیجا ہے۔

شاہ سلمان نے کہا ہے کہ ’برازیل کے جنوب میں موسلادھار بارش کے بعد ہونے والی لینڈ سلائیڈنگ کی اطلاع ملی‘۔

’واقعے کے باعث متعدد افراد کی افسوسناک ہلاکتیں ہوئیں ہیں جن پر ہمیں دکھ ہے‘۔

’ہم اس دکھ میں آپ کے اور برازیلی عوام کے برابر کے شریک ہیں‘۔

اسی طرح ولی عہد شہزادہ محمد بن سلمان نے کہا ہے کہ ’واقعے میں ہلاک ہونے والوں کے لواحقین کے غم میں برابر کے شریک ہیں‘۔

’ہم زخمیوں کے لیے جلد صحت یابی کی امید رکھتے ہیں اور جو لوگ لاپتہ ہوگئے ہیں ان کا جلد از جلد سراغ لگانے کی امید کرتے ہیں‘۔