ریاض میں یوم تاسیس پر فنی ریلی، 3500 فنکار شریک ہوں گے

ریاض میں منگل 22 فروری کو یوم تاسیس کی مناسبت سے فنی ریلی کا انعقاد ہوگا جس میں 3500 فنکار حصہ لیں گے۔

سعودی پریس ایجنسی کے مطابق ریلی میں قومی نغموں کے علاوہ سعودی ریاست کی تاریخ بھی پیش کی جائے گی۔

ریاض کے جنوب میں وادی نمار سیاحتی مقام پر ریلی کے لیے دو کلو میٹر کا طویل ٹریک مختص کیا گیا ہے جہاں قدرتی خوبصورتی کے ساتھ تاریخی یادگاریں بھی وابستہ ہیں۔

انتظامیہ کا کہنا ہے کہ ’وادی نمار میں منعقد ریلی میں داخلہ شام 6 بجے سے ساڑھے 9 بجے تک ہوگا جبکہ ایکٹیویٹی رات ساڑھے 11 بجے تک جاری رہے گی‘۔