جنوبی سوڈان کے صدر سے سعودی ایوان شاہی کے مشیر کی ملاقات
شاہ سلمان اور ولی عہد کی جانب سے خیر سگالی کے پیغامات پہنچائے ہیں( فوٹو ایس پی اے)
جنوبی سوڈان کے صدر جنرل سلفاکیر میاردیت سے جمعے کو ایوان صدارت میں سعودی ایوان شاہی کے مشیر احمد قطان نے ملاقات کی ہے۔
سرکاری خببر رساں ایجسنی ایس پی اے کے مطابق احمد قطان نے جنوبی سوڈان کے صدر، حکومت اور عوام کے لیے شاہ سلمان اور ولی عہد کی جانب سے خیر سگالی کے پیغامات پہنچائے ہیں۔
پیغامات میں سعودی قیادت نے جنوبی سوڈان کی مزید ترقی و خوشحالی کے لیے نیک خواہشات کا اظہار کیا ہے۔
جنوبی سوڈان کے صدر نے بھی احمد قطان کو شاہ سلمان، ولی عہد اور سعودی حکومت و عوام کے لیے خیر سگالی کا پیغام دیا ہے۔
اس موقع پر سعودی عرب اور جنوبی سوڈان کے تعلقات اور تمام شعبوں میں انہیں مضبوط بنانے کے طریقوں کا جائزہ لیا گیا۔
علاوہ ازیں باہمی دلچسپی کے امور اورعلاقائی و بین الاقوامی حالات بھی زیر بحث آئے۔
جنوبی سوڈان کے صدر نے ریاض میں ایکسپو 2030 کی میزبانی سے متعلق مملکت کی درخواست کی حمایت کا اظہار کیا۔
احمد قطان نے جنوبی سوڈان کا شکریہ ادا کیا اور کہا کہ یہ تائید و حمایت دونوں ملکوں کے منفرد تعلقات کی علامت ہے۔
اس موقع پر جنوبی سوڈان میں متعین سعودی سفیر علی جعفر بھی موجود تھے۔
شاہ سلمان کے نام جنوبی سوڈان کے صدر کا مکتوبNode ID: 638346
