سپیکر قومی اسمبلی نے علی وزیر کے پروڈکشن آرڈر جاری کردیے

سپیکر قومی اسمبلی راجا پرویز اشرف نے سندھ کی جیل میں قید ایم این اے علی وزیر کے پروڈکشن آرڈرز جاری کرنے کے احکامات جاری کیے ہیں۔

اردو نیوز کو دستیاب قومی اسمبلی سیکریٹریٹ سے جاری پروڈکشن آرڈر کے مطابق ایم این اے علی وزیر کو آج بدھ کے روز ایوان میں لایا جائے گا۔

واضح رہے کہ پیپلز پارٹی اور ایم این اے محسن داوڑ نے علی وزیر کے پروڈکشن آرڈرز جاری کرنے کا مطالبہ کیا تھا۔

سپیکر قومی اسمبلی کی طرف سے سیکریٹری داخلہ، چیف کمشنر اسلام آباد اور چیف سیکریٹری سندھ کو ہدایات جاری کردی گئی ہیں۔

سپیکر راجا پرویز اشرف نے ایم این اے علی وزیر کی قومی اسمبلی اجلاس میں شرکت یقینی بنانے کی ہدایت کی ہے۔