امارات میں اپریل 2025 کے لیے پٹرول کے نرخ کیا ہیں؟

متحدہ عرب امارات نے  پیر 31 مارچ  کو اپریل 2025 کے لیے پٹرول کے نئے نرخوں کا اعلان  کردیا ہے۔

فیول پرائس کمیٹی کے مطابق نئی قیمتوں کا اطلاق یکم اپریل 2025 سے ہوگا۔

الامارات الیوم کے مطابق پٹرول سپر 98 کی قیمت مارچ میں 2.73 درھم تھی اب یکم اپریل سے اس کے نرخ 2.57 درھم کردیے گئے ہیں۔

پٹرول خصوصی 95 کی قیمت اپریل کے لیے 2.46 درھم مقرر کی گئی ہے اس سے قبل مارچ میں اس کی قیمت 2.61 درھم تھی۔

ای پلس 91 پٹرول کی قیمت اپریل کے لیے 2.38 درھم رکھی گئی ہے مارچ میں اس کی قیمت 2.54 درھم مقرر تھی۔

ڈیزل کے نرخ اپریل کے لیے 2.63 درھم مقرر کیے گئے ہیں جبکہ  مارچ میں اس کی قیمت 2.77 درھم تھی۔

واضح رہے متحدہ عرب امارات کی فیول پرائس کمیٹی ہر ماہ عالمی مارکیٹ میں تیل کی قیمتوں کا جائزہ لینے کے بعد پٹرول کے نرخ متعین کرتی ہے۔