پاکستان پرامن بقائے باہمی کے اصول پر سختی سے کاربند ہے: جنرل ندیم رضا
جمعرات 29 ستمبر 2022 9:17
رسالپور کی اصغر خان اکیڈمی میں پاکستان فضائیہ کی 146ویں گریجویشن تقریب منعقد ہوئی۔ (فوٹو: سکرین گریب)
پاکستان کی مسلح افواج کے چیئرمین جوائنٹ چیفس آف سٹاف کمیٹی جنرل ندیم رضا نے کہا ہے کہ پاکستان کی فوج روایتی اور غیرروایتی ہر طرح کے خطرات سے نمٹنے کی بھرپور صلاحیت رکھتی ہے۔
جمعرات کو رسالپور کی اصغر خان اکیڈمی میں پاکستان فضائیہ کی 146ویں گریجویشن تقریب سے خطاب کرتے ہوئے جنرل ندیم رضا نے کہا کہ ’خبردار کرنا چاہتا ہوں امن کی خواہش کو کمزوری نہ سمجھیں۔‘
ان کا کہنا تھا کہ پاکستان پرامن بقائے باہمی کے اصول پر سختی سے کاربند ہے۔
’عالمی امن کے قیام کے کے لیے پاکستان نے بڑی قربانیاں دی ہیں۔‘
انہوں نے پاس آؤٹ ہونے والے کیڈٹس سے کہا کہ ’آپ کو ہمیشہ جدید ٹیکنالوجی اور رجحانات سے ہم آہنگ ہونا ہوگا۔‘
سعودی رائل ایئر فورس کے کیڈٹس بھی پاس آؤٹ ہونے والے گریجویٹس میں شامل تھے۔
چیئرمین جوائنٹ چیفس آف سٹاف کمیٹی جنرل ندیم رضا نے مزید کہا کہ پاکستان کے سعودی عرب کے ساتھ تاریخی، مذہبی، ثقافتی اور بردارانہ تعلقات ہیں۔
انہوں نے کہا کہ پاکستان کے سعودی عرب کے ساتھ دفاع سمیت مختلف شعبوں میں بہترین تعلقات ہیں۔
’آڈیو لیکس سکیورٹی لیپس ہے،‘ وزیراعظم کا تحقیقات کا اعلانNode ID: 704461
