ایپوہ...سلطان اذلان شاہ ہاکی کپ میں میزبان ملائیشیا نے ہند کو 1-0سے اپ سیٹ شکست دے کرٹائٹل کی دوڑ سے باہر کردیا۔ ملائیشیا میں جاری ٹورنامنٹ کے اہم میچ میں فیصلہ کن گول کھیل کے 51ویں منٹ میں ملائیشیا کے شاہرل صباح نے اسکور کیا۔ ایک اور میچ میں برطانیہ نے نیوزی لینڈ کو3-2سے مات دے کر فائنل تک رسائی حاصل کر لی۔دوسری جانب ورلڈ چیمپئن آسٹریلیا نے آخری لیگ میچ میں جاپان کیخلاف 3-2سے فتح سمیٹ لی۔ ٹورنامنٹ کا فائنل آسٹریلیا اور برطانیہ کے درمیان کھیلا جائے گا۔ تیسری پوزیشن کیلئے نیوزی لینڈ اور ہندکی ٹیمیں مقابلہ کریں گی۔ آخری2 پوزیشنز کے لئے جاپان اور ملائیشیا مد مقابل ہوں گے۔
