مسجد الحرام میں بارش کے دوران طواف و نماز کے مناظر
مسجد الحرام میں بارش کے دوران طواف و نماز کے مناظر
پیر 2 جنوری 2023 18:19
عبادت کے دوران زائرین کی سلامتی کو یقینی بنایا جا رہا ہے( فوٹو ٹوئٹر حرمین شریفین)
سعودی عرب میں مسجد الحرام مکہ مکرمہ میں پیر کو عمرہ زائرین بارش کے دوران طواف اور عبادت میں مصروف رہے۔ صحن حرم میں ایمان افروز مناظر دیکھنے میں آئے۔
العربیہ نیٹ کے مطابق حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش کے مسائل سے نمٹنے کے لیے ہنگامی سکیموں پر عمل درآمد شروع کررکھا ہے۔
انتظامیہ نے 200 سے زیادہ نگران اور چار ہزار کارکنان تعینات کیے ہیں( فوٹو ٹوئٹر حرمین شریفین)
حرمین شریفین انتظامیہ کی کوشش ہے کہ عبادت کے دوران زائرین کی سلامتی کو یقینی بنایا جائے۔
انتظامیہ 200 سے زیادہ نگرانوں، چار ہزار کارکنان اور 500 سے زیادہ مشینوں کے ذریعے بارش کے دوران پیش آنے والے مسائل سے نمٹ رہی ہے۔
بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔
