بارش کے دوران سیلفی، سعودی نوجوان آسمانی بجلی گرنے سے ہلاک 

سعودی عرب میں المخواۃ کمشنری کے قومی تقریبات  گراؤنڈ میں بارش کے دوران سیلفی کے شوق میں سعودی نوجوان زندگی کی بازی ہار گیا۔

المدینہ اخبار کے مطابق سعودی نوجوان اپنے دوستوں کے ہمراہ بارش کی وڈیو بنا رہا تھا اور بارش کے مناظر کو کیمرے میں قید کررہا تھا۔

سیلفی لینے کے دوران آسمانی بجلی اس پر گری اور وہ موقع پر ہلاک ہوگیا۔

سعودی نوجوان کے دو دوست بھی بجلی گرنے سے متاثر ہوئے تاہم تیسرا محفوظ رہا۔ زخمیوں کو علاج کے لیے المخواۃ جنرل ہسپتال میں داخل کردیا گیا۔ 

سعودی محکمہ شہری دفاع اس حوالے سے انتباہ کرچکا ہے کہ بارش اور گرج چمک کے دوران موبائل کا استعمال نہ کیا جائے۔ موبائل کا استعمال جان لیوا ثابت ہوسکتا ہے۔