افغانستان میں سابق رُکنِ پارلیمان مرسل نبی زادہ گارڈ سمیت قتل
اتوار 15 جنوری 2023 11:46
سابق حکومت میں شامل متعدد اہم شخصیات طالبان کے آنے کے بعد افغانستان چھوڑ چکی ہیں۔ فائل فوٹو: اے ایف پی
افغانستان کے دارالحکومت کابل میں پارلیمنٹ کی ایک سابق خاتون رُکن کو اُن کے گھر میں فائرنگ سے قتل کر دیا گیا ہے۔
افغان نیوز چینل طلوع کے مطابق کابل میں محکمہ پولیس کے ترجمان خالد زدران نے بتایا کہ قتل کا یہ واقعہ شہر کے ڈسٹرکٹ 12 میں پیش آیا۔
ترجمان نے بتایا کہ مُرسل ن نبی زادہ کو سنیچر کی رات اُن کے گھر میں گھسنے والے نامعلوم افراد نے نشانہ بنایا۔ حملے میں اُن کے گارڈ بھی مارے گئے ہیں۔
خالد زدران کا کہنا تھا کہ حملے میں سابق رُکنِ پارلیمان کے بھائی زخمی ہو گئے جن کو طبی امداد دی جا رہی ہے۔
ترجمان نے کہا کہ اس واقعے میں ملوث عناصر کی گرفتاری کے لیے کوششیں جاری ہیں اور اُن کو قانون کی گرفت میں لایا جائے گا۔
افغانستان کے دارالحکومت کابل پر اگست 2021 میں طالبان کے کنٹرول حاصل کرنے کے بعد سابق حکومت میں شامل کئی اہم رہنما ملک چھوڑ گئے تھے۔
کابل میں فوجی ہوائی اڈے کے باہر دھماکہ، ’متعدد شہری ہلاک‘Node ID: 730501
