پرتھ...... مشہور فضائی کمپنی کنٹاس کے چیف ایگزیکٹیو افسر ایلن جوائس ایک مقامی ہوٹل میں لیکچر دے رہے تھے کہ ایک عجیب و غریب واقعہ سے انہیں دوچارہونا پڑا۔ عینی شاہدین کا کہناہے کہ ابھی انکی تقریر شروع ہوئے چند منٹ ہی ہوئے ہونگے کہ ایک شخص ہاتھوں میں کیک کی ایک پلیٹ لیکر ان کے سامنے آیا اور اچانک ہی پوری پلیٹ انکے چہرے پر پھینک دی۔ یہ ایک ایسا عجیب و غریب منظر تھا کہ انکی چیخ نکل گئی اور موقع پرموجود دیگر افراد بھی حیرت زدہ رہ گئے۔ کیک منہ پر پڑنے اور کپڑے گندے ہوجانے کے باوجود انہوں نے کوئی خاص ردعمل ظاہر نہیں کیا۔ آہستہ سے مسکرائے اور پھر زور سے قہقہہ لگانے کے بعد اپنی تقریر جہاں روکی تھی وہیں سے شروع کردی۔ بعدمیںانہوں نے بتایا کہ یہ واقعہ عجیب و غریب ضرور تھا مگر جس منصب پروہ فائز ہیں وہاں ایسے واقعات غیر معمولی نہیں ہیں۔ پولیس نے اس سلسلے میں اس شخص کو گرفتار کرلیا ہے۔انکا کہناتھا کہ جب وہ 9برس سے ایک فضائی کمپنی کے چیف ایگزیکٹیو بنے رہیں گے تو یقینا کچھ نہ کچھ لوگوں کو یہ بات پسند نہیں آئیگی۔
