ریاض ریجن میں 40 لاکھ سے زیادہ ممنوعہ گولیاں ضبط، چھ افراد گرفتار 

سعودی محکمہ انسداد منشیات کے ترجمان مروان الحازمی نے کہا ہے کہ’ چالیس لاکھ سے زیادہ ممنوعہ گولیاں سمگل کرنے کی کوشش ناکام بنائی گئی ہے‘۔

سرکاری خبررساں ادارے ایس پی اے کے مطابق ترجمان نے بتایا کہ’ 40 لاکھ  94 ہزار 950 ممنوعہ گولیاں ضبط کی گئی ہیں‘۔  

ریاض ریجن میں چھ افراد کو گرفتار کرلیا گیا۔ ان میں تین کا تعلق مصر، ایک، ایک کا سوڈان، یمن اور سعودی عرب سے ہے۔ 

ملزمان کو ابتدائی قانونی کارروائی کے بعد پبلک پراسیکیوشن کے حوالے کردیا گیا۔ 

علاوہ ازیں جازان ریجن میں سرحدی محافظوں نے سوکلو گرام قات ( نشہ آور پتے) سمگل کرنے کی کوشش ناکام بنادی۔

سرحدی محافظوں نے ضبط کی جانے والی قات کو متعلقہ حکام کے حوالے کردیا ہے۔