سعودی عرب کے قصیم ریجن میں شہری دفاع کے اہلکاروں نے پیٹرول ٹینکر میں لگنے والی آگ پرقابو پالیا۔
آتشزدگی میں ایک شخص زخمی ہوگیا جسے ہلال الاحمر کی ٹیم نے فوری طبی امداد فراہم کرتے ہوئے ہسپتال منتقل کردیا۔
عاجل نیوز کے مطابق ریجنل شہری دفاع کے ٹوئٹرپر بیان میں کہا کہ’ شہری دفاع کے کنٹرول روم میں اطلاع ملی تھی کہ قصیم کی ایک شاہراہ پر پیٹرول ٹینکر میں آگ لگ گئی ہے‘۔
’آتشزدگی کی اطلاع ملنے پرفائرفائٹرز کی ٹیمیں فوری طورپرجائے وقوعہ پرپہنچ گئیں جنہوں نے آگ بجھانے کی کارروائی کا آغاز کیا‘۔
فائر فائٹرز نے پیٹرول ٹینکرکے گرد مخصوص فوم کا سپرے کیا بعدازاں آتشزدگی پرقابو پایا گیا۔
