سماجی رابطوں کی ویب سائٹ ٹوئٹر پر ایک ویڈیو وائرل ہے جس میں شلوار قمیض میں ملبوس خاتون کو پاکستان کے سابق بیٹر یونس خان کی بولنگ پر بیٹنگ کرتے ہوئے دیکھا جا سکتا ہے۔
ٹوئٹر صارف سمارا افضل نے اپنی ویڈیو شیئر کی جس میں وہ گھر کے صحن میں یونس خان کی بولنگ پر بیٹنگ کر رہی ہیں۔
مزید پڑھیں
-
-
شاہین شاہ آفریدی کی ٹیسٹ کرکٹ میں واپسیNode ID: 773341 -
سمارا افضل اپنی ٹویٹ میں لکھتی ہیں کہ ’عظیم کرکٹرز میں سے ایک کے خلاف گھر کے باغیچے میں شلوار قمیض پہن کر کرکٹ کھیلنا ہی خواب ہے۔ یونس خان بہت ہی عاجز اور معزز انسان ہیں۔‘
Playing cricket in the garden in my salwar kameez with one of the greatest cricketers the sport has produced is what dreams are made of! Such a humble and respectful human being is @YounusK75 #Cricket pic.twitter.com/X3DjOKqIJv
— Dr Samara Afzal (@SamaraAfzal) July 3, 2023
یونس خان کی اپنے ذاتی دوستوں کے ساتھ کرکٹ کھیلنے کی یہ ویڈیو برطانیہ کے شہر برمنگھم کی ہے۔
سمارا افضل پیشے کے لحاظ سے ڈاکٹر ہیں اور انگلش کاؤںٹی کرکٹ کلب واروِک شائر کی سابق کھلاڑی ہیں۔
دوسری جانب یونس خان نے اپنے انٹرنیشنل کیریئر کا اختتام 2017 میں ویسٹ انڈیز کے خلاف ٹیسٹ میچ سے کیا تھا۔
انہوں نے پاکستان کی جانب سے 118 ٹیسٹ، 265 ون ڈے اور 25 ٹی20 میچز کھیل کر بالترتیب 10099، 7294 اور 442 رنز سکور کیے ہیں۔
سمارا افضل کی اس ویڈیو پر ٹوئٹر صارفین بھی اپنے خیالات کا اظہار کر رہے ہیں۔
بہرام قاضی نے اپنی ٹویٹ میں لکھا کہ ’بہت اچھا ٹائم کیا ہے۔ یونس بھائی نے ٹیسٹ کرکٹ میں کچھ وکٹیں حاصل کر رکھی ہیں۔ لہٰذا آپ اس پر اپنے آپ کو داد دے سکتی ہیں۔‘
Timed! Younis Bhai has a couple of wickets in Test cricket, so you can give yourself a pat on the back
— Behram Qazi (@DeafMango) July 3, 2023
مجاہد احمد کہتے ہیں کہ ’آپ نے غلط فیلڈ کا انتخاب کیا ہے۔‘
You chose a wrong field to be honest !
— Mujahid Ahmad (@fourvoyagers) July 4, 2023
لقمان آدیز نے تبصرہ کیا کہ ’واہ، آپ تو باقاعدہ بیٹر کی طرح کھیل رہی ہیں۔ وقت آ گیا ہے کہ امام الحق کی جگہ آپ کھیلیں۔‘
Wao!,,, you are playing like a proper batsmen,,,time to replace imam ul Haq
— Luqman Aadeez (@Luqman_Leo16) July 4, 2023
