’سعودی عرب میں سب اچھا‘ امریکی سیاح نے اونٹنی کا دودھ پیا

 سعودی عرب کی سیاحت کے لیے آنے والے امریکی شہری نے سیاحت کےلیے دوبارہ مملکت آنے کی خواہش کا اظہار کیا ہے۔

العربیہ چینل کے مطابق امریکی سیاح نے سیاحت کے دوران اونٹنی کا دودھ  پینے کے حوالے سے کہا کہ’ یہ اپنی نوعیت کا منفرد تجربہ رہا ہے‘۔

امریکی سیاح جیون نے کہا کہ ’امریکہ میں سعودی دودست احمد المالکی نے جدہ آنے کی دعوت دی تھی۔ جدہ کے بعد دارالحکومت ریاض کے علاوہ دیگرشہروں کی بھی سیر کروں گا‘۔

ان کا کہنا تھا کہ ’سعودی عرب میں مجھے سب کچھ اچھا لگ رہا ہے۔ یہاں کے لوگ اچھے اخلاق کے مالک ہیں۔ یہاں کے پکوان شاندار ہیں‘۔

انہوں نے کہا کہ ’خواہش ہے دنیا بھر کے لوگ اس عظیم ملک کی سیر کریں۔ یہاں آنے والوں سے یہی کہوں گا کہ ’مرحبا فی السعودیہ‘ (سعودی عرب میں خوش آمدید)‘۔ 

امریکی سیاح کے سعودی دوست احمد المالکی نے بتایا کہ’  انہوں نے امریکی دوست کو سعودی عرب کے بارے میں بتایا اور یہاں کی تصاویر دکھائیں۔  اس سے متاثر ہوکر جیون نے میرے ساتھ  جدہ آنے کا فیصلہ کیا‘۔