سماجی رابطوں کی ویب سائٹ ٹوئٹر پر شادی کی ایک تقریب کی ایک ویڈیو وائرل ہے جس میں شریک مہمانوں کے مابین دوران تقریب خوفناک لڑائی شروع ہو جاتی ہے۔
یہ ویڈیو انگلیںڈ کے شہر گریٹر مانچسٹر کے علاقے بولٹن کی ہے۔
ویڈیو میں دیکھا جا سکتا ہے کہ کھانے کی تقریب میں مہمان کھانا کھا رہے ہوتے ہیں تو اس دوران ایک شخص وہاں آتا ہے اور ایک مہمان کی ٹوپی اتارتا ہے جس کے باعث وہاں موجود تمام افراد میں لڑائی شروع ہو جاتی ہے۔
مزید پڑھیں
-
انڈیا میں کتوں سے شروع ہونے والی لڑائی دو انسانی جانیں نگل گئیNode ID: 788751
-
صوابی: متنازع زمین سے درخت کاٹنے پر لڑائی، 4 بھائی قتلNode ID: 790611
ویڈیو میں افراد کو نہ صرف ایک دوسرے کو تھپڑ، مکے اور گھونسے مارتے دیکھا جا سکتا ہے بلکہ شادی پر آئے ہوئے مہمان ایک دوسرے کے خلاف کرسیوں کا بھی خوب استعمال کرتے نظر آتے ہیں۔
گریٹر مانچسٹر پولیس کے ترجمان نے مقامی میڈیا سے بات کرتے ہوئے کہا کہ ’24 اگست 2023 کو رات ساڑھے آٹھ بجے پولیس اہلکاروں کو بولٹن کی پریسکوٹ سٹریٹ میں لڑائی کی اطلاع ملی۔
پولیس نے شرکاء کے درمیان تصادم کو ختم کیا اور صورتحال پر قابو پایا۔ لڑائی میں کوئی جانی نقصان نہیں ہوا تاہم ایک شخص کو پولیس اہلکار پر حملہ کرنے کے جرم میں گرفتار کیا گیا ہے جبکہ واقعے کی تفتیش کیا جا رہی ہے۔‘
Wedding in Bolton #GetWild pic.twitter.com/3u0G5wSR7C
— Sabji Hunter (@SabjiHunter) August 29, 2023
دوسری جانب اس وائرل ویڈیو پر ٹوئٹر صارفین بھی اپنے تبصرے کر رہے ہیں۔
ماہاراج رائنا نے اپنی ٹویٹ میں لکھا کہ ’اُن (مہمانوں) کا قصور نہیں ہے، قصور میزبان کا ہے کہ جس نے ایسے نظم و ضبط والے مہمان مدعو کیے ہیں۔‘
Not their fault. Fault of the person who has invited such disciplined guests.
— maharaj raina (@maharajrai43259) September 1, 2023
وسیم اختر نے اپنی ٹویٹ میں لکھا کہ ’دلہے اور دلہن کے لیے دکھ ہو رہا ہے، اُن کا بڑا دن خراب ہوگیا، شادی پر ہزاروں روپے لگائے ہوں گے اور یہ ہوگیا۔‘
Feel for the bride & groom - their big day ruined. Thousands spent no doubt and this happens!
— Wasim Akhtar (@WasimAkhtar786) August 29, 2023
ٹیپو سیلٹک نے اپنی ٹویٹ میں لکھا کہ ’بہت زیادہ ایکشن (لڑائی) ہو رہی ہے، بھائی مجھے بڑی سکرین کی ضرورت ہے۔‘
To much action going on. I need a bigger screen man
— Tipo Celtic (@tipoceltic) August 30, 2023