عوام بے ہنگم مظاہرے کی سیاست ترک کردیں،مفتیٔ اعظم تیونس

تیونسیہ - - - تیونس کے مفتی اعظم نے عوام سے بے ہنگم مظاہروں اور دھرنوں کی سیاست ترک کرنے کی ہدایت کی ہے۔عرب میڈیا کے مطابق مفتیٔ اعظم تیونس عثمان بطیخ کے دفتر سے جاری پیغام میں عوام سے اپیل کی ہے کہ احتجاج سے ملک کو نقصان کے علاوہ کچھ حاصل نہیں ہوگا لہٰذا عوام اپنی تمام توانائیاں اپنے کاروبار، روز مرہ کے کاموں اور تعلیمی سرگرمیوں کو بہتر بنانے پر صرف کریں تاکہ ملک کی گرتی ہوئی معیشت کو سہارا دیا جا سکے۔مفتیٔ اعظم کا یہ بیان ایسے وقت میں آیا ہے جب تیونس کی اپوزیشن جماعت نے بدعنوانی اور بے روزگاری کے خلاف مظاہروں اور دھرنوں کا اعلان کیا ہے۔واضح رہے کہ اس سال کے آغاز سے اب تک ملک بھر میں 2ہزار سے زائد مظاہرے اور دھرنے دئیے جاچکے ہیں۔