ترکی میں ریت کے مجسموں کا11 واں سالانہ بین الاقوامی میلہ سج گیا۔ اناطولیہ میں ریت سے بنے 11ویں میلے کا آغاز کردیا گیا جہاں مختلف ممالک کے فنکاروں کے مجسمے دیکھنے والوں کی توجہ کا مرکز بن رہے ہیں۔ بین الاقوامی میلے میں کئی ملکوں سے ریت سے مجسمے بنانے کے ماہر آرٹسٹ پہنچے ہیں جنہوں نے اس سال کی عجائبات کی تھیم کی مناسبت سے دیوہیکل مجسمے تخلیق کئے ہیں۔مجسموںکی تیاری میں ساحل سے جمع کی گئی ایک ہزار ٹن ریت کا استعمال کی گئی ہے۔آرٹسٹوں نے20 مجسمے ڈیزائن کئے ۔ ریت کے مجسمے دیکھنے کے لئے آنے والوں کا کہنا تھا کہ تمام مجسمے آرٹسٹوں کی مہارت کا منہ بولتا ثبوت ہیں۔
