ملتان سلطانز نے ہدف کا تعاقب شروع کیا تو ان فارم کپتان محمد رضوان دوسرے ہی اوور میں بغیر کوئی رن بنائے لُوک وُڈ کی گیند پر محمد حارث کو کیچ تھما بیٹھے۔
یاسرخان 43 کی عمدہ اننگز کھیلنے کے بعد سلمان ارشاد کی گیبند پر محمد حارث کو کیچ دے بیٹھے۔ ڈیوڈ ملان نے 25 گیندوں پر تین چوکوں اور تین چھکوں کی مدد سے 52 رنز بنائے۔
خوش دل شاہ، ڈیوڈ ولی، اسامہ میر، عباس آفریدی نے پے در پے وکٹیں گنوائیں تو پشاور کی فتح کی راہ ہموار ہو گئی۔
افتخار احمد کے دو چوکوں اور ایک چھکے نے ملتان سلطانز کو فتح کی امید دلائی، تاہم وہ نوین الحق کی پانچویں بال کو باؤنڈری کے پار پہنچانے کی کوشش میں کیچ آوٹ ہو گئے۔
آخری نمبر پر بلے بازی کے لیے آنے والے کھلاڑی شاہنواز دھانی میچ کی آخری گیند پر کلین بولڈ ہو گئے۔
پشاور زلمی کی اننگز
اوپنر صائم ایوب صرف سات رنز بنا کر شاہنواز دھانی کی گیند پر ریزا ہینڈرکس کو کیچ دے بیٹھے۔
پشاور زلمی کو دوسرا نقصان اس وقت اٹھانا پڑا جب بابر اعظم 31 رنز بنا کر اسامہ میر کی گیند پر کلین بولڈ ہوگئے۔ حسیب اللہ خان 37 رنز کی عمدہ اننگز کھیلنے کے بعد اسامہ میر کا شکار بنے۔
محمد حارث 19 جبکہ پال والٹر 16 رنز بنا کر آؤٹ ہوئے۔ رومن پاول کے 23، آصف علی کے 13 اور لُوک وڈ کے 17 رنز نے ٹیم کا مجموعی سکور 179 تک پہنچانے میں اہم کردار ادا کیا۔
ملتان سلطانز کے اسامہ میر، ڈیوڈ وِلی اور محمد علی دو دو جبکہ شاہنواز دہانی اور عباس آفریدی ایک ایک وکٹ حاصل کرنے میں کامیاب رہے۔
ملتان سلطانز کی ٹیم پوائنٹس ٹیبل پر دوسرے نمبر پر ہے (فوٹو: اے ایف پی)
ملتان سلطانز کی پی ایس ایل کے نویں ایڈیشن میں یہ پہلی شکست ہے۔ اس سے قبل کراچی کنگز، لاہور قلندرز اور اسلام آباد یونائیٹڈ کے خلاف کھیلے گئے میچز میں ملتان سلطانز نے فتح سمیٹی تھی۔
اس سے قبل پشاور زلمی کو کراچی کنگز اور کوئٹہ گلیڈی ایٹرز کے خلاف شکست کا سامنا کرنا پڑا تھا۔
پوائنٹس ٹیبل پر ملتان سلطانز چھ پوائنٹس کے ساتھ پہلے نمبر پر ہے جبکہ پشاور دو پوائنٹس کے ساتھ پانچویں پوزیشن پر ہے۔
چاہت فتح علی خان کا پی ایس ایل اینتھم، ’اصل شاہکار آ گیا‘Node ID: 837476
پی ٹی وی سپورٹس ’پی ایس ایل 9‘ کیوں نہیں دِکھا رہا؟Node ID: 837686
