کارڈیف ...قومی ٹیم کے آل راونڈر محمد حفیظ نے کہا ہے کہ پاکستانی ٹیم سری لنکا کے خلاف اہم میچ کیلئے مکمل طور پر تیار ہے ۔ سیمی فائنل میں پہنچنے کیلئے پرعزم ہیں۔کارڈف میں پریس کانفرنس سے خطاب کرتے ہوئے انہوں نے کہا کہ ہمیں میچ جیتنا ہے ۔انہوں نے کہا کہ پاکستان ناقابل بھروسہ ٹیم کے نام سے مشہور ہے اور مجھے یہ ٹیگ اچھا لگتا ہے۔ بحیثیت ٹیم بہت جارح مزاج ہیں۔پاکستان کرکٹ کی تاریخ دیکھیں تو ہمیشہ سے ہی ناقابل بھروسہ رہے ہیں۔ ہمارے پاس ہمیشہ سے باصلاحیت کھلاڑی رہے ہیں لیکن پتہ نہیں ہوتا کہ میچ کا نتیجہ کیا نکلے گا ۔حریف ٹیم کبھی ہمیں آسان تصور نہیں کرتی۔ انہوں نے کہا کہ مستقل مزاجی سے کارکردگی سے کیلئے کام کر رہے ہیں۔
