سردار شعیب کے افطار ڈنر میں پارٹی کے رہنماﺅں اور ممبران کی شرکت
ریاض ( ذکاءاللہ محسن) پاکستان مسلم لیگ(ن) کے سینیئر ایگریکٹو ممبر سردار شعیب کی جانب سے پارٹی عہدیداروں اور ممبران کے اعزاز میں افطار ڈنر کا اہتمام کیا گیا جبکہ دیگر پارٹیوں کے عہدیدار بھی بڑی تعداد میں شریک ہوئے افطار ڈنر سے خطاب کرتے ہوئے سردار شعیب کا کہنا تھا کہ سعودی عرب میں جس طرح لوگ مسلم لیگ (ن) میں شمولیت اختیار کر رہے ہیں وہ بہت خوش آئند ہے۔ پارٹی میں شامل ہونے والے نئے ممبر ندیم صدیقی نے کہا کہ ان کا تعلق کراچی سے ہے اور وہ مسلم لیگ کی کارکردگی سے بے انتہا متاثر ہیں، جس طرح کراچی میں امن قائم ہوا ہے اس کا سارا کریڈٹ وزیراعظم نواز شریف اور پاک فوج کو جاتا ہے آج کراچی امن کا گہوارہ بن چکا ہے۔لوگ آزادی کے ساتھ زندگی بسر کر رہے ہیں۔ اس کے علاوہ پارٹی رہنماﺅں خالد اکرم اور راجہ یعقوب کا کہناتھا کہ مسلم لیگ جب بھی برسر اقتدار آئی ملک ترقی کی راہ پر گامزن ہوا اور آج بھی ملک میں ریکارڈ ترقی ہو رہی ہے جس کو پوری دنیا سراہ رہی ہے۔ آئندہ بھی مسلم لیگ بھرپور حمایت سے الیکشن جیتے گی۔
