سعودی ولی عہد شہزادہ محمد بن سلمان نے جمعے کو اٹلی میں ہونے والی جی سیون سمٹ میں شرکت سے معذرت کی ہے۔
سرکاری خبر رساں ایجنسی ایس پی اے کے مطابق سعودی ولی عہد نے اطالوی وزیراعظم جارجیا میلونی کو ایک پیغام بھیجا جس میں دعوت نامے پر ان کا شکریہ ادا کیا لیکن کہا کہ وہ حج سیزن کے دوران کام کی نگرانی کی ذمہ داریوں کی وجہ سے سمٹ میں شرکت کرنے سے قاصر ہیں۔
شہزادہ محمد بن سلمان نے دونوں ملکوں کے درمیان تعلقات کی مضبوطی کا ذکر کیا اور سمٹ کی میزبانی میں کامیابی کے لیے نیک خواہشات کا اظہار کیا۔
یاد رہے اٹلی 13 سے 15 جون تک جی سیون گروپ کے رہنماوں کی سالانہ سمٹ کی میزبانی کرے گا۔
