ایک حالیہ لیک میں موبائل فون کے ڈیزائن کا بھی انکشاف ہوا۔ موبائل فون کی دنیا سے آگاہی رکھنے والے ایک ماہر نے سمارٹ فون کے متوقع رنگوں کے متعلق بتایا ہے۔
سام سنگ گلیکسی ایس24 ایف ای کون کون سے رنگوں میں دستیاب ہو گا؟
سوشل میڈیا پلیٹ فارم ایکس پر ڈی ایس سی سی روس نامی اکاؤنٹ پر شائع کی جانے والی معلومات کے مطابق سام سنگ گلیکسی ایس24 ایف ای پانچ رنگوں میں لانچ کیا جائے گا۔
انہوں نے اپنی پوسٹ میں انکشاف کیا کہ متوقع فین ایڈیشن سمارٹ فون کالے، گرے، لائٹ بلیو، لائٹ گرین اور پیلے رنگ میں لانچ کیا جائے گا۔
ان مختلف رنگوں میں سب سے زیادہ کالے رنگ میں سمارٹ فون بنائے جانے کا اشارہ دیا گیا ہے۔
سام سنگ گلیکسی ایس24 ایف میں کون سے فیچرز ہوں گے؟
اس سے قبل ایک لیک میں سام سنگ گلیکسی ایس24 ایف ای کا متوقع ڈیزائن ظاہر کیا گیا تھا۔
لیک ہونے والی تصویر میں موبائل فون ہلکے سبز رنگ میں دکھایا گیا ہے جس میں یہ بیس سیٹ یعنی سیم سنگ گلیکسی ایس 24 سے ملتا جلتا دکھائی دے رہا تھا۔
موبائل فون کی پشت پر بائیں کونے پر عمودی طور پر ترتیب دیے گئے تین چھوٹے گول کیمروں کے سوراخ اور ایل ای ڈی فلش لائٹ کو بھی دیکھا جاسکتا ہے۔
سام سنگ گلیکسی ایس24 ایف ای کی لیک ہونے والی تصاویر میں فون کی ڈسلپے باریک گول کونوں کے ساتھ ایک پتلے سوراخ میں جفت کیمرے کی صورت میں نظر آتی ہے۔
موبائل فون کا مین کیمرہ 20 میگا پکسل کا ہوگا (فوٹو: ٹیک ریڈار)
جبکہ آواز کو کنٹرول کرنے والے اور پاور بٹنز ہینڈ سیٹ کے دائیں کنارے پر موجود ہیں۔
رپورٹس کے مطابق امریکہ اور کچھ دیگر مارکیٹس میں یہ موبائل فون سنیپ ڈرگن ایٹ کی تیسری جنریشن کی چپ سیٹ کے ساتھ لانچ ہونے کی اطلاعات ہیں۔ یہ فون انڈیا اور یورپ کے کچھ ممالک میں زیونس2400 کے ساتھ دستیاب ہو گا۔
رپورٹس کے مطابق سام سنگ گلیکسی ایس24 ایف ای کی اسی سال اکتوبر میں لانچنگ ہوگی۔
موبائل فون 6.65 انچ سکرین اور 50 میگا پکسل مین کیمرے جبکہ 12 جی بی ریم اور 256 جی بی سٹوریج کے ساتھ لانچ ہو گا۔
’وٹس ایپ پر ہیکنگ سافٹ ویئر اسرائیلی کمپنی نے بنایا‘Node ID: 420106
خلا میں پھنسے خلابازوں کی واپسی کیا ’تشویشناک‘ معاملہ ہے؟Node ID: 869271
