کنگ سلمان سٹیڈیم 2029 تک مکمل ہوگا، 92 ہزار نشستیں ہوں گی

سعودی رائل کمیشن برائے ریاض شہر اور وزارت کھیل نے دارالحکومت ریاض میں شاہ سلمان سٹیڈیم اور اس میں کھیلوں کی سہولیات و ڈیزائن اور مستقبل کے منصوبوں کا اعلان کیا ہے۔ جو دنیا کے سب سے بڑے سٹیڈیمز میں سے ایک ہوگا۔

سعودی خبررساں ادارے ’ایس پی اے‘ کے مطابق شاہ سلمان سٹیڈیم ریاض کا سب سے بڑا ہوگا یہ سعودی قومی ٹیم کا مرکزی ہیڈکوارٹر اور کھیلوں کے بڑے ایونٹس اور سرگرمیوں کی میزبانی کرے گا۔

یہ سٹیڈیم ریاض شہر کے شمال میں کنگ سلمان روڈ پر کنگ عبدالعزیز پارک کے ساتھ واقع ہوگا۔ یہ سٹیڈیم  شہر کے اہم مقامات جن میں کنگ خالد انٹرنیشنل ایئرپورٹ، ریاض ریلوے سٹیشن اور مرکزی سڑکوں کے درمیان ہوگا۔ شہر کے مختلف حصوں سے سٹیڈیم تک پہنچنا انتہائی آسان ہوگا۔

سٹیڈیم کا قیام خادم حرمین شریفین شاہ سلمان اور ولی عہد شہزادہ محمد بن سلمان کے تعاون سے ہوا ہے جو سپورٹس کے شعبوں ترقی دینے اور انہیں بااختیار بنانا چاہتے ہیں۔

کنگ سلمان سٹیڈیم 2029 کی چوتھی سہ ماہی کے دوران مکمل ہوگا اور اسے چھ خصوصی بین الاقوامی کمپنیوں کے پیش کردہ متعدد ڈیزائنوں میں سے منظور کیا گیا ہے۔ اسکے ڈیزائن میں تمام ضروریات کا خاص خیال رکھا گیا ہے۔

اس کے ڈیزائن، سہولیات کے حوالے سے جائزہ اور پائیداری انٹرنیشنل فیڈریشن آف ایوسی ایشن فٹبال (فیفا)  کے معیار پر پورا ہے۔  اس کے لیے ’پہاڑی سرزمین‘ سے متاثرہ  منصوبہ اور ڈیزائن کا انتخاب کیا گیا ہے۔ اسے کنگ عبدالعزیز پارک کے ساتھ اس وادی سے جوڑ کر مربوط کیا گیا ہے جو سٹیڈیم کے اطراف کے پارک اور سبز جگہوں سے گزرتی ہے۔

سٹیڈیم کے اردگرد کا پارک اور سبز جگہیں  مرکزی سٹیڈیم کو آرکیٹیکچرل ڈیئن کو اس کی سبز دیواروں اور 96500 مربع میٹر سے زیادہ کی چھتوں کے ذریعے واضح کیا گیا ہے۔

یہ سٹیڈیم ریاض شہر میں معیار زندگی کو بلند کرے گا اور اس سے شہر کی عالمی درجہ بندی بھی بڑھے  گی اور دنیا بھر میں ریاض موزوں ترین شہروں میں سے ایک بن سکے گا۔

کنگ سلمان سٹیڈیم کا رقبہ 6 لاکھ 60 ہزار مربع میٹر سے زیادہ رقبے پر قائم کیا جائے گا اس میں مختلف کھیلوں کی سرگرمیوں کی مشقوں کے لیے سہولیات بھی رکھی گئی ہیں جو تمام عمر کے گروپوں کے لیے دن بھر دستیاب ہوں گے۔ اس کے  علاوہ متعدد تجارتی مراکز اور تفریحی مقامات بھی ہیں یہ سٹیڈیم مملکت کے اندر اور باہر سے آنے والوں کے لیے پرکشش منزل ثابت ہوگا۔

کنگ سلمان سٹیڈیم میں 92 ہزار تماشائیوں کے بیٹھنے کی گنجائش ہوگی اور اس کے علاوہ ایک شاہی کیبن بھی ہوگا جس میں 150 نشستیں ہوں گی اور 120 مہمانوں کے لیے جبکہ 300 وی آئی پی نشستیں اور 2200 نشستیں اہم شخصیات کے لیے مختص ہوں گی۔

سٹیڈیم میں بہترین کولنگ سسٹم ہوگا جبکہ سٹیڈیم کے اوپری حصے میں مختلف دیوہیکل سکرینیں نصب ہوں گی۔ سٹیڈیم کی چھت کنگ عبدالعزیز پارک کے مخصوص نظارے اور راہداری کے طور پر یہاں آنے والوں کو بہترین تجربہ فراہم کرے گی۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں