تکنیکی مسائل کے باعث ایئر انڈیا کے طیارے کی ماسکو میں احتیاطی لینڈنگ

انڈیا سے برطانیہ جانے والی ایئر انڈیا کی پرواز کو ماسکو میں تکنیکی وجوہات کے باعث احتیاطی لینڈگ کرنا پڑی ہے۔ 

برطانوی خبر رساں ادارے روئٹرز کے مطابق بدھ کے روز ایئر انڈیا کا طیارہ بوئنگ 787-800 نئی دہلی سے برمنگھم کے لیے جا رہا تھا جب دوران پرواز طیارے کو تکنیکی مسائل کا سامنا کرنا پڑا۔ 

طیارے میں 258 مسافر اور 17 کریو ممبرز سو رہے تھے، اور کسی ایمرجنسی صورتحال سے بچنے کے لیے طیارے کو بحفاظت روس کے شہر ماسکو کے شیریمٹیوو ایئرپورٹ پر لینڈ کروا دیا گیا۔ 

احتیاطی لینڈنگ کے بعد پرواز کی روانگی کا شیڈول ماسکو کے وقت کے مطابق رات 9 بج کر 35 منٹ رکھا گیا۔ 

اس سے قبل جولائی میں دہلی سے سین فرانسیسکو جانے والے ایئر انڈیا کے طیارے میں کارگو ہولڈ میں مسائل سامنے آئے تھے جس کے بعد طیارے کو روس کے علاقے سائبیریا میں احتیاطی لینڈنگ کرنا پڑی تھی۔