سعودی عرب کے محفوظ جنگلات میں نایاب نسل کے 310 عقاب

سعودی عرب کی کنگ سلمان ریزورڈویلپمنٹ اتھارٹی نے انکشاف کیا ہے کہ محفوظ جنگلات میں اس وقت نایاب نسل کے 310 عقاب موجود ہیں جن میں ایسے عقاب بھی شامل ہیں جن کے معدوم ہونے کا خدشہ ہے، جبکہ چار اقسام کے عقاب محفوظ جنگلات کے اندر ہی رہتے ہیں۔

اخبار 24 کے مطابق شاہ سلمان محفوظ جنگلات میں اس وقت 35 ’الاذون‘ نسل کے عقاب ہیں جن کا شمار مملکت میں پائے جانے والے عقابوں میں جسامت کے اعتبار سے سب سے بڑا ہے۔

دوسری قسم ’الاسمر‘ کی ہے جن کی تعداد 200 ہے جبکہ تیسری ’المسود ‘ نسل ہے ان کی تعداد 50 ہے۔ ان کے پروں کی پھیلائی دنیا بھر میں دیگر اقسام سے بڑی ہوتی ہے۔

چوتھی قسم ’الرخمہ ‘ کی ہے جو خشک مقامات اور چٹانوں میں بسیرا کرتے ہیں ان کی تعداد 25 ہے۔