انڈونیشی سیاح العلا کے دورے سے خوش، سعودی لباس سے محبت

سعودی عرب آنے والے ایک انڈونیشی سیاح نے اپنے اہل خانہ کے ہمراہ  العلا کے دورے کی وڈیو سوشل میڈیا پر شیئر کی ہے۔

العربیہ کے مطابق انڈونیشی سیاح نے العلا کے دورے کے حوالے سے کہا’ اپنے اہل خانہ کے ہمراہ یہاں آکر بہت خوش ہوں۔ اس کی وجہ یہاں کے تاریخی مقامات ہیں‘۔

انڈونیشی سیاح نے سعودی لباس سے بھی محبت کا اظہر کیا اور کہا ’ اسے سعودی عرب میں کہیں بھی آنے جانے اور نماز کےلیے استعمال کرتا ہوں اور اسے پہن کر بہت خوش ہوں‘۔

انہوں نے بتایا ’وہ دوسری مرتبہ سعودی عرب آئے ہیں، اس سے قبل 2022 میں مملکت کا دورہ کیا تھا‘۔

انڈونیشی سیاح العلا سے مدینہ منورہ اور دیگر شہروں میں بھی جائیں گے۔