سعودی قیادت کو بحرینی فرمانروا کی طرف سے مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کو بحرینی فرمانروا اور ولی عہد کی طرف سے یوم الوطنی پر مبارکباد پیش کی گئی ہے۔

سعودی پریس ایجنسی کے مطابق بحرین کے فرمانروا شاہ حمد بن عیسی آل خلیفہ نے خادم حرمین شریفین شاہ سلمان بن عبد العزیز کو تہنیتی پیغام روانہ کیا ہے۔

شاہ حمد نے اپنے پیغام میں سعودی عرب کے ساتھ برادرانہ تاریخی تعلقات کو مثالی قرار دیتے ہوئے سعودی عرب کے لیے مزید ترقی و کامرانی کی امید ظاہر کی ہے۔

اسی طرح بحرین  کے ولی عہد شہزادہ سلمان بن حمد آل خلیفہ نے ولی عہد شہزادہ محمد بن سلمان کو تہنیتی مکتوب روانہ کرتے ہوئے یوم الوطنی کی مبارکباد پیش کی ہے۔