جدہ میں منفرد نوعیت کی آرٹ نمائش ’ماڈرنٹی روٹس‘ کا انعقاد

جدہ میں’ماڈرنٹی روٹس‘  کے نام سے منعقد کی گئی منفرد نوعیت کی نمائش آرٹ کی دنیا میں فنکاروں کو دقیانوسی تصورات کو چیلنج کرنے اور نئے افق تلاش کرنے کی ترغیب دلاتی ہے۔ 

عرب نیوز کے مطابق نمائش کے منتظم کا خیال ہے یہ نمائش سعودی عرب کے بھرپور ورثے کو عصری اور جدید آرٹ کے طریقوں سے جوڑ کر ماضی اور حال کو یکجا کرتی ہے۔

جدہ میں بلوری آرٹ ہاؤس کے بانی اور بلوری کمپنی کے جنرل منیجر عبدالرحمان کامل مراد نے کہا کہ ’ماڈرنٹی روٹس‘ نمائش سے مملکت میں موجود آرٹسٹ اور فن کے شائقین دونوں کے لیے ایک متحرک اور مضبوط پلیٹ فارم فراہم کیا گیا ہے۔

کامل مراد نے بتایا ہے ’ماڈرنٹی روٹس‘ صرف ایک نمائش نہیں، یہ ہمارے ورثے سے جڑی ہوئی ہے جو غیرمتزلزل طاقت کا اعلان ہے۔

ترقی کے خواہشمند معاشرے میں یہ نمائش ہمارا ثقافتی ورثہ ہے جو اصلیت کو نظر انداز کیے بغیر رہنمائی کرتا ہے۔

یہ نمائش سعودی آرٹ کی حدود کو آگے بڑھانے کے ساتھ ساتھ دقیانوسی تصورات کو بھی چیلنج کر رہی ہے۔

’ماڈرنٹی روٹس‘ کا بنیادی مقصد اس بات کو اجاگر کرنا ہے کہ آرٹ پروڈکشن کے عمل میں ہمت کا مظاہرہ کرنا، حدود کو آگے بڑھانا اور سعودی آرٹ کے گرد موجود دقیانوسی تصورات کو چیلنج کرنا ہے۔

نمائش میں شامل مقامی فنکار اپنے بھرپور سعودی ثقافتی پس منظر کی بنیاد پر نئے افق اور مواقع تلاش کرتے ہوئے مضبوط لگن اور لچک کا مظاہرہ کر رہے ہیں۔

سعودی عرب کے دو ممتاز آرٹسٹ ہبہ اسماعیل اور AFM نے اس منفرد نمائش میں اپنے فن پاروں کی  پہچان کرائی ہے۔

AFM کی اونٹ کی پینٹنگز سعودی علامتوں کا استعمال کرتے ہوئے روایت سے جڑی جدید اور ترقی پسند شناخت کا اظہار کرتی ہے۔

سعودی عرب کے ثقافتی ارتقا، روایات اور جدیدیت کے درمیان پائیدار تعلق کو نمایاں کرنے والی منفرد آرٹ نمائش31 اکتوبر تک شام 5 بجے سے رات 9 بجے تک جاری رہے گی۔

• سعودی عرب کی مزید خبروں کے لیے واٹس ایپ گروپ جوائن کریں