سعودی وزیر خارجہ برکس اجلاس میں شرکت کے لیے روس پہنچ گئے

سعودی وزیر خارجہ شہزادہ فیصل بن فرحان برکس سربراہ اجلاس میں شرکت کے لیے بدھ کو روس کے شہر قازان پہنچے ہیں۔

شہزادہ فیصل بن فرحان برکس اجلاس میں سعودی وفد کی سربراہی کریں گے۔

الاخباریہ کے مطابق سعودی عرب کو برکس گروپ میں شمولیت کی دعوت دی گئی ہے۔

سعودی وزیر خارجہ اجلاس کے موقع پر مختلف ملکوں کے رہنماوں سے ملاقاتیں بھی کریں گے۔

اس سے قبل کہا گیا تھا کہ برکس کے رکن ممالک برازیل، روس، انڈیا، چین اور جنوبی افریقہ کے رہنماؤں نے اپنے گروپ کا دائرہ کار بڑھانے پر اتفاق کیا ہے۔