کنگ سلمان امدادی مرکز کی افغانستان اور صومالیہ میں خیموں کی تقسیم

سعودی عرب کے فلاحی امدادی ادارے کنگ سلمان ہیومینیٹیرین اینڈ ریلیف سنٹر کی جانب سے افغانستان اور صومالیہ کے رہائشیوں کے لیے سینکڑوں خیموں کی امداد  دی گئی ہے۔ 

سعودی پریس ایجنسی کی رپورٹ کے مطابق پاکستان سے واپس آنے والے افغان مہاجرین اور سیلاب سے متاثرہ افراد کی امداد کے طور پر 200 خیمے تقسیم کئے گئے ہیں۔

کنگ سلمان امدادی منصوبے کے تحت افغانستان کے 13 صوبوں میں تقریباً 30,000 ضرورت مند افراد کو خیمے، کمبل، پلاسٹک کے گدے اور دیگر ضروری سامان پر مشتمل  4,882 پیکٹ فراہم کئے گئے ہیں۔

اس کے علاوہ صومالیہ کے جنوب مشرقی ریجن بنادر میں موجود بے گھر افراد کو 1,000 خیمے، سردی سے محفوظ رہنے کے لیے کپڑوں کے 1,000 پارسل خیمے بھیجے گئے ہیں، جس سے 6,000 ضرورتمند افراد مستفید ہوں گے۔

• سعودی عرب کی مزید خبروں کے لیے واٹس ایپ گروپ جوائن کریں