حائل اور شمالی حدود ریجن میں منشیات ضبط، دو افراد گرفتار

محکمہ انسداد منشیات نے حائل اور شمالی حدود ریجن میں کارروائی کے دوران منشیات ضبط کی ہے جبکہ دو افراد گرفتار کئے ہیں۔

سبق ویب سائٹ کے مطابق محکمے نے کہاہے کہ ’حائل میں ایک سعودی شہری گرفتار ہوا ہے جس کے قبضے سے نشہ آور گولیاں برآمد ہوئی ہیں‘۔

’اسی طرح کی ایک اور کارروائی شمالی حدود ریجن میں کی گئی جہاں نشہ آور گولیاں  سپلائی کرنے والا ایک شہری گرفتار ہوا ہے‘۔

محکمے نے کہا ہے کہ ’دونوں گرفتار شدگان کے متعلق خفیہ معلومات موصول ہوئیں جن کی بنا پر ان کی نگرانی کی گئی اور رنگے ہاتھوں گرفتار کیا گیا ہے‘۔

’گرفتار شدگان سے تفتیش جاری ہے جبکہ ضابطے کی کارروائی مکمل کرنے کے بعد انہیں پبلک پراسیکیوشن کے حوالے کردیا جائے گا‘۔