ساما کا گوگل پے کے ساتھ ’مدی‘ کے ذریعے ادائیگی کا معاہدہ
رواں برس سے سام سنگ پے اور ایپل پے کی سہولت فراہم کی جائے گی (فوٹو: الاقتصادیہ)
سعودی سینٹرل بنک ’ساما‘ نے 2025 کے دوران گوگل پے سے رقوم کی ترسیل و ادائیگی کے لیے بینکنگ کا معاہدہ کیا ہے۔
’گوگل پے‘ کے تحت کمپنی ’مدی‘ پیمنٹ سسٹم کے ذریعے رقوم کی ادائیگی کرے گی۔
الاقتصادیہ کے مطابق ساما کا کہنا ہے رواں برس سے سام سنگ پے اور ایپل پے کی سہولت فراہم کی جائے گی جس کے لیے گوگل کمپنی سے تمام معاملات طے کرلیے گئے ہیں۔
سعودی سینٹرل بنک کی جانب سے ڈیجیٹل ادائیگی سسٹم کو مملکت میں تیزی سے رائج کرنے کے لیے ای پیمنٹ نظام کو مستحکم کیا جا رہا ہے جو مملکت کے وژن 2030 کے اہداف میں شامل ہے۔
ڈیجیٹل ادائیگی سسٹم کو جامع انداز میں رائج کرنے کےلیے ساما کی جانب سے مضبوط انفرسٹرکچر تیار کیا جارہا ہے تاکہ کرنسی لیس سوسائٹی کی جانب بڑھا جاسکے۔
گوگل پے کے ذریعے صارفین محفوظ آن لائن خریداری کرسکیں گے۔ گوگل والٹ ایپ کے ذریعے صارفین ڈیجیٹل ڈیبیٹ مدی اورکریڈیٹ کارڈ بھی حاصل کرسکیں گے۔
سعودی سینٹرل بنک نے ’ مجد السعودیہ پے‘ کو لائسنس جاری کردیاNode ID: 883444
