دو سعودی استاد دنیا کے 50 بہترین ٹیچروں کی فہرست میں شامل

 برطانیہ میں فار کی جیمس فاونڈیشن کی تقریب بہترین ٹیچروں کا اعلان کیا گیا۔ سعودی ٹیچر منصور بن عبداللہ  اور ذکیہ اللحیانی کو عالمی سطح پر بہترین 50 ٹیچروں میں شامل کیا گیا ہے۔

منصور بن عبداللہ کا تعلق الاحسا سے ہے جہاں وہ مقامی سکول سے منسلک ہیں جبکہ ذکیہ اللحیانی مکہ مکرمہ کے ایک سکول سے وابستہ ہیں۔

عاجل اور اخبار 24 کے مطابق منصور بن عبداللہ اور ذکیہ اللحیانی کو فارکی فاؤنڈیشن ایوارڈ بھی دیا گیا ۔ ان کا انتخاب 90 ممالک کے 5 ہزار اساتذہ میں کیا گیا۔

انتخاب کے لیے مقابلے میں شریک اساتذہ کا ریکارڈ دیکھا جاتا ہے جو ان کی کارکردگی اور معاشرتی خدمت، سماجی کام، چیلنجز سے نمٹنے کی صلاحیت و دیگر امور کا جائزہ لیا جاتا ہے۔

بہترین استاد کا عالمی ایوارڈ حاصل کرنے والے ٹیچر منصوربن عبداللہ نے ریجنل ادارہ تعلیم کا بھی شکریہ ادا کیا جنہوں نے اس حوالے سے بھرپور تعاون کیا۔

 ریجنل ڈائریکٹر جنرل ایجوکیشن نے اس کامیابی پر مشرقی ریجن کے گورنر شہزادہ سعود بن نایف اور نائب گورنر شہزادہ سعود بن بندر کو اس کامیابی پر مبارک باد کا پیغام ارسال کیا ہے۔

 بہترین ٹیچر کا ایوارڈ حاصل کرنے والی ذکیہ اللحیانی کو ریجنل ایجوکیشن ڈائریکٹر نے ایوارڈ ملنے پر مبارک باد دی ہے۔