سمارٹ فون پر ابشر ایپلی کیشن کے ذریعے نئی سروسز کا آغاز

سعودی وزارتِ داخلہ نے ابشر پلیٹ فارم کے ذریعے مزید نئی ای سروسز کا اجرا کیا ہے۔

سعودی مصنوعی ذہانت ’سدایا‘ کے تعاون سے نئے خدمات کا افتتاح وزارت کے نگران برائے شہری امور بریگیڈئیر ڈاکٹر صالح المربع نے کیا۔

اخبار 24 کے مطابق ابشر پلیٹ فارم پر فراہم کی جانے والی نئی سروسز میں سعودی شہریوں کے لیےگمشدہ یا تلف ہونے والے فیملی کارڈ کے اجرا کے علاوہ برتھ اور ڈیتھ سرٹیفکیٹ کا اجرا ابشر کی سمارٹ فون ایپلی کیشن کے ذریعے کیا جاسکتا ہے۔

محکمہ سول افئیرز کا کہنا تھا سمارٹ فونز ایپلی کیشن پر ابشر پلیٹ فارم  لاگ ان کرنے کے بعد مطلوبہ خدمات حاصل کی جاسکتی ہیں۔

واضح رہے سمارٹ فون ایپلیکشن پر ابشرسروس محدود ہوتی ہیں جبکہ کمپیوٹر پر تمام خدمات فراہم کی جاتی ہیں۔ وزارت داخلہ کی جانب سے مرحلہ وار سمارٹ فون ایپلیکشنزمیں بھی سروسز کا اضافہ کیا جارہا ہے۔