سعودی وزارت داخلہ کا کہنا ہے کہ مشرقی ریجن میں ہم وطن کے قاتل سعودی شہری کی سزائے موت پر عمل درآمد کردیا گیا۔
سعودی خبررساں ادارے ’ایس پی اے‘ کے مطابق وزارت داخلہ کی جانب سے جاری تفصیلی بیان میں کہا گیا کہ سعودی شہری فھد بن عبدالرحمن بن فھد السبیعی نے اپنے ہم وطن حمد بن عبداللہ بن حمد الزمامی کو گولی مار دی تھی جس سے اس کی موت واقع ہوگئی۔
مزید پڑھیں
-
والدین کے قتل میں ملوث شہری کی سزائے موت پر عملدرآمدNode ID: 880956 -
مصری کے ہم وطن قاتل کی سزائے موت پرعمل درآمدNode ID: 881352
سیکیورٹی فورس نے ملزم کو گرفتار کرکے اس کا چالان عدالت میں پیش کردیا جہاں اقبال جرم اور شواہد کی بنیاد پر عدالت نے سزائے موت کا حکم صادر کردیا۔
قانون کے مطابق ابتدائی عدالت کے فیصلے کو اپیل کورٹ میں پیش کیا گیا جہاں اپیل رد ہونے پر سپریم کورٹ نے بھی سابقہ عدالتی فیصلے کو برقرار رکھا۔
آخر میں ایوان شاہی نے فیصلے پر عمل درآمد کا حکم دے دیا جس پر وزارت داخلہ نے جمعرات 10 اپریل 2025 کو مشرقی ریجن میں عمل درآمد کردیا۔
