سعودی عرب میں 2026 تک ایک بلین گلاب کی پیداوار ہوگی

سعودی زرعی پروگرام نے کہا ہے کہ ملک میں گلاب کی پیداوار میں 34 فیصد اضافہ ہوا ہے۔

سبق ویب سائٹ کے مطابق 2020 میں 500 ملین گلابوں کی پیداوار ہوئی جبکہ گزشتہ سال 2023 میں پیدوار بڑھ کر 960 ملین ہوگئی۔

پروگرام کی انتظامیہ نے کہا ہے کہ ’2026 تک ہمارا ہدف ایک بلین گلاب کی پیدوار ہے‘۔

انتظامیہ نے کہا ہے کہ  ’مزارعین کی مدد کے لیے تیار ہونے والے پروگرام سے اب تک 433 افراد مستفید ہوئے ہیں‘۔

’ہم نے جازان میں گلاب سے خوشبودار تیل بنانے کی صنعتی سٹی قائم کی ہے جبکہ جازان کے علاوہ طائف میں باغات کی تعداد میں اضافہ کردیا ہے‘۔

انتظامیہ نے کہا ہے کہ ’ابوعریش کے علاوہ میں گلاب سے خوشبودار تیل بنانے کی فیکٹری کے علاوہ پودوں بیماریوں سے بچانے کے لیے خصوصی لیبارٹری قائم کی جائے گی‘۔