فرانس---- آپ نے فلموں میں خشکی سے پانی اور سمندر پر چلنے والی گاڑیاں تو دیکھی ہوں گی لیکن اب حقیقت میں ایسی سُبک رفتار جیب تیار کر لی گئی ہے جو چند سیکنڈوں میں سڑک سے پانی میں اتر کر کشتی کی طرح سفر طے کرنے کی صلاحیت رکھتی ہے۔فرانسیسی کمپنی لزارتھ نے اس گاڑی کا الیکٹرک ماڈل تیار کیا ہے جو ایک کھلی جیپ کی طرح ہے اور جسے بوقت ضرورت سمندری کشتی کی طرح بھی استعمال کیا جا سکتا ہے۔ 4 وہیل گاڑی میں 400 سی سی کا 4 والوو انجن لگایا گیا ہے اور اس کا وزن صرف 440 کلو گرام ہے یعنی یہ بہت ہلکی پھلکی اور تیز رفتار ایمفی بیئس بر بحری یعنی خشکی کے ساتھ ساتھ پانی میں چلنے کی صلاحیت کی حامل جیپ ہے۔ اسے سڑک سے پانی میں جانے اور دوبارہ خشکی تک آنے کے لئے صرف چند سیکنڈ لگتے ہیں یعنی یہ فوری طور پر خود کو جیب سے کشتی اور پھر کشتی سے جیپ میں تبدیل کرنے کر دیتی ہے۔ خشکی پر اس کی زیادہ سے زیادہ رفتار 90 کلومیٹر فی گھنٹہ ہے جبکہ پانی میں جاتے ہی الیکٹرک جیب کے اندر کی پنکھڑیاں یعنی ’’پروپیلر‘‘ کھل جاتی ہیں اور اس کشتی کو7 ناٹیکل میل فی گھنٹہ یا 13 کلومیٹر فی گھنٹہ تک کی رفتار تک سفر کے قابل بنا دیتی ہیں۔جیپ کا پورا ڈھانچہ خاص ایلومینیم سے بنایا گیا ہے۔ اس میں فوم لگایا گیا ہے جو سواری کو ڈوبنے سے بچاتا اور گاڑی کو زنگ آلود ہونے سے محفوظ رکھتا ہے۔
