Sorry, you need to enable JavaScript to visit this website.

نواز شریف نے بہت دیر کردی،خورشید شاہ

اسلام آباد...قومی اسمبلی میں  قائد حزب اختلاف خورشید شاہ نے کہا ہے کہ آرٹیکل 62,63کے خاتمے کیلئے میاں صاحب کی منتیں کی تھیں مگر کرسی ملتی ہے تو سب کچھ بھول جاتے ہیں۔اپنی بقا کیلئے ریلی نکالنا ہرجماعت کا حق ہے مگر نوازشریف نے عوام میں آنے کیلئے بہت دیر کردی۔ اسلام آباد میں میڈیا سے گفتگو کرتے ہوئے انہوں نے کہا کہ نوازشریف کو کہا تھا کہ آرٹیکل62,63 ضیاءالحق کی ایجاد ہے اسے ختم کردو مگر میاں صاحب کو4سال تک بات سمجھ نہیں آئی ۔انہوں نے کہا کہ نوازشریف کو بھٹو کا فلسفہ طاقت کا سرچشمہ عوام ہے سمجھ آگیا مگر بہت دیر کردی مہربان آتے آتے۔انہوں نے کہا کہ پیپلزپارٹی آئندہ انتخابات میں سرپرائز دے گی۔تمام مسائل کا حل ہمارے پاس موجود ہے۔ تحریک انصاف کے ساتھ کوئی معاملہ نہیں وہ بھی اپوزیشن میں ہیں ہم بھی۔ ایک سوال پر انہو ں نے کہا کہ این اے 120میں اگر بیگم کلثوم نواز کو ٹکٹ دیا گیا تو ن لیگ انتخاب جیت جا ئے گی۔

 

شیئر: