کینٹ۔۔۔لندن میں ایک طوطے نے چو رکو پکڑوادیا۔ برطانیہ کے علاقے کینٹ میں لیتھوانیا سے تعلق رکھنے والا چور مکان میں گھس گیا۔ اس نے ایک لیپ ٹاپ اور فون اٹھا لیا۔ اس کی نظر ایک طوطے پر پڑگئی جو قریب ہی پنجرے میں یہ ساری کاروائی دیکھ رہا تھا جیسے ہی اس نے افریقن گرے طوطے کو نکالنے کی کوشش کی طوطے نے اس کے ہاتھ پر کاٹ لیا۔ چور نے طوطے کو وہیں چھوڑ کر بھاگنے میں عافیت جانی تاہم ہاتھ کا خون پورے کمرے میں جابجا نظر آیا ۔ پولیس نے اسی خون کا ڈی این اے کروایا اور وہ چور تک پہنچ گئی یوں یہ عادی چور جیل تک پہنچ گیا۔
