ابوظبی .... متحدہ عرب امارات کے ولی عہد شیخ محمد بن زاید کے داماد شیخ زاید بن حمدان یمن میں اماراتی ہیلی کاپٹر گرنے سے زخمی ہوگئے۔مقامی اور عالمی ذرائع ابلاغ نے اس حادثے کی اطلاع دیتے ہوئے بتایا کہ ایک پائلٹ سمیت 4فوجی حادثے میں ہلاک ہوگئے۔ وزیر مملکت برائے امور خارجہ انور قرقاش نے ٹویٹر کے اپنے اکاﺅنٹ پر تحریر کیا کہ اللہ تعالیٰ شیخ زاید بن حمدان اور انکے رفقائے کار کی حفاظت فرمائے۔ انہیں جلد از جلد شفا سے نوازے۔
