بالی وڈ اداکارہ کترینہ کیف نے فلم’ ’جگا جاسوس“ کی ناکامی کے بعد اپنے اداکاری معاوضے میں کمی کرلی۔ذرائع کا کہنا ہے کہ فلموں میں مسلسل ناکامی کے باعث کترینہ کیف کی شہرت میں بھی کافی کمی واقع ہوئی ہے۔یہی وجہ ہے کہ انہوں نے اپنی حالیہ پوزیشن کو مد نظر رکھتے ہوئے فیس کم کر لی ہے۔ حال ہی میں ایک بڑی برانڈ ڈیل میں بالی وڈ اداکارہ تاپسی پنو نے کترینہ کیف کی جگہ لے لی جس کے بعد کترینہ نے برانڈ کی دنیا میں اپنی جگہ بنائے رکھنے کی خاطر ایک بڑا فیصلہ لیتے ہوئے اپنے معاوضے میں 40 فیصد کمی کر دی۔ہدایت کار کبیر خان کے ساتھ فلم ”ایک تھا ٹائیگر“ نے تو باکس آفس پر خوب بزنس کیا مگر کبیر خان کی اگلی ہی فلم ”فینٹم“ جس میں کترینہ نے سیف علی خان کے ساتھ اداکاری کے جوہر دکھائے، مکمل ناکام رہی جب کہ حال ہی میں ناکام ہونے والی ان کی دیگر فلموں میں”بار بار دیکھو“ اور”جگا جاسوس“ شامل ہیں۔
