کنگ خان’’ دھوم 4‘‘کے ایکشن ہیرو بنیں گے

بالی وڈ کے کنگ خان شاہ رخ خان نئی فلم’’ دھوم 4‘‘ میں نظرآئیں گے۔ کنگ خان کو بالی وڈ کی فلم دھوم کے نئے سیکوئل کیلئے کاسٹ کرلیا گیاہے۔اس سے قبل اطلاعات موصول ہورہی تھیں کہ اس فلم میں سلمان خان کام کریںگے تاہم سلمان ان دنوں اپنی فلم کی شوٹنگ میں مصروف ہیں جس وجہ سے اب یہ کردار شاہ رخ خان کو دیدیا گیاہے۔ شاہ رخ خان اب ایکشن فلم میں اپنی اداکاری کے جوہر دکھاتے نظرآئیں گے۔دھوم کی پچھلی سیکوئل فلموں میں یہ مرکزی کردار اداکار جان ابراہم، عامر خان اور رتھک روشن نے ادا کیا تھا۔ کنگ خان نےآخری بار فلم’’جب ہیری میٹ سیجل‘‘ میں کام کیا تھا جو باکس آفس پر کوئی خاص بزنس نہ کرپائی ۔