بہار اردو اکیڈمی کانفرنس میں فکشن رائٹر پر حملہ

نئی دہلی۔۔۔۔اردو کے معروف فکشن رائٹر شموئل احمد پر بہار اردو اکیڈمی ، پٹنہ کے زیر اہتمام منعقدہ سہ روزہ قومی خواتین کانفرنس کے دوران حملے میں شدید زخمی ہوگئے۔ انہیں پی ایم سی ایچ میں اسپتال میں داخل کرادیا گیا۔ڈاکٹروں کے مطابق ان کے سر پر گہری چوٹ آئی ہے۔ شموئل نے بتایا کہ پچھلے دنوں ’’لنگی‘‘ کے عنوان سے ایک افسانہ لکھا  جس میں شہر کے بعض لوگوں کو آئینہ دکھایا تھا ۔ میں نے یونیورسٹی میں لڑکیوں کے ساتھ ہونیوالے جنسی استحصال کو موضوع بنایا تھا ۔ میرا افسانہ معاشرےمیں رونما ہونیوالے واقعات کا عکاس ہے۔پولیس نےرپورٹ درج کرکے حملہ آوروں کی تلاش شرو کردی۔