الٰہ آباد یونیورسٹی میں بھی تشدد کا واقعہ

    لکھنؤ۔۔۔۔۔بنارس ہندو یونیورسٹی میں لڑکیوں کے ساتھ چھیڑ خانی اور اسکے بعد تشدد کا معاملہ ابھی ٹھنڈا نہیں ہوا تھا کہ  الٰہ آباد یونیورسٹی میں بھی  ایک واقعہ پیش آگیا ۔  ایک لڑکی کو 2لڑکوں نے مل کر بری طرح زدو کوب کیا۔   لڑکی ان کی مرضی کے مطابق   ساتھ چلنے کو تیار نہیں تھی ۔ لڑکوں کو گرفتار کرکے فضل گنج تھانہ لا کر کے جیل بھیج دیا گیا ۔معاملہ کی تفتیش جاری ہے ۔