ریسیپی: چائینیز ایگ مصالحہ

اجزاء،مصالحہ نمبر 1 :

انڈے،4 عدد

چکن،4 بوٹیاں،ا±بال کر ریشے کر لیں

آلو،ایک عدد، فنگر چپس کی طرح باریک کاٹ کر فرائی کرلیں

بند گوبھی،باریک کٹی ہوئی،2 کھانے کے چمچے

کالی مرچ،آدھا چائے کا چمچ

اجینو موتو،آدھا چائے کا چمچ

سویا سوس،ایک کھانے کا چمچ

ٹماٹو کیچپ،ایک کھانے کا چمچ

کارن فلور،ایک کھانے کا چمچ

نمک،آدھا چائے کا چمچ

آئل،4کھانے کے چمچ

اجزاء، مصالحہ نمبر 2:

ٹماٹر،2 عدد

سویا سوس،آدھا چائے کا چمچ

اجینو موتو،چٹکی بھر

باربی کیو سوس،آدھا چائے کا چمچ

سفید مرچ،پسی ہوئی،چٹکی بھر

نمک،چٹکی بھر

آئل،2 کھانے کے چمچ

ترکیب:

سب سے پہلے آئل گرم کریںاور آئل میں ٹماٹر باریک کاٹ کراور دوسرے اجزاءجو مصالحہ نمبر 2 کے ہیں ، شامل کر کے مصالحہ تیار کرلیں۔ ٹماٹر گل جائے آئل اوپر آ جائے تو مصالحہ تیار ہے۔چاہے تو گاڑھا رکھیں یا تھوڑا سا پانی کر شوربہ بنا لیں۔

انڈوں کو خوب اچھی طرح پھینٹ لیں،اب انڈوں میں چکن،بند گوبھی ،آلو اور باقی مصالحے جو نمبر 1 اجزاءہیں، شامل کریں اور اچھی طرح مکس کرکے فرائی پین میں آئل ڈال کر انڈے کے آمیزے کو گولڈن براؤن ہونے تک فرائی کر کے اتار لیں۔

انڈے کو ٹھنڈا ہونے دیں۔اب انڈے کے چوکور ٹکڑے کاٹ کر مصالحے میں ڈال دیںاور ہلکے ہاتھوں سے برتن کو ہلائیں تاکہ مصالحہ اچھی طرح انڈوں پر لگ جائے پھر 5 منٹ ہلکی آنچ پر دم دیں۔

چائینیز ایگ مصالحہ تیار ہے۔ابلے ہوئے چاول یا چپاتی سے کھائیں۔